星期日考完晒所有試,

連續同毛毛出左兩日街

好耐都無試過咁放縱,

兩日無停過係咁玩,

玩到好攰, 係時候要諗下呢個暑假既大計......

越來越覺得,

好多時做野無話分應該定係唔應該

其實最重要既, 係睇自己想唔想

覺得對自己好既咪做囉,

無謂成日介意人地諗咩

去到邊都會有是非架啦

只要自己做之前三思

加埋努力去做, 對自己無悔就可以

好憎掛著個名去做咩做咩,

咁會阻住自己獨立思考

所謂要對其他人負責任

其實係咪應該睇吓你做佢會點得益,

唔做又影響佢啲咩呢?

如果影響只係"可能的", "曖昧的", 咁你做唔做其實只需要對自己負責任

實在, 一個人不應該想這麼多

越想只會越壞

"想太多, 想到記不起誰是我

想要哭 哭我為何沒停下過 發傻"

要有自我, 有自信,

無人也不要慌

諗番o camp真係好似仲喺琴日,

當日我只係一個freshman

依家我竟然就黎有下莊!!

過左成年, 無咩作為,

只係肥左三十磅, 依家 173cm, 173 lbs

但係真心想多謝兩個人,

一個係HO爸爸, 一個係小晃

好多謝HO爸爸從大O以來一直的照顧

發生了咁多事, 你仲一直喺我身邊支持我, 鼓勵我

對我呢一個無老爸既人黎講, 你真係似一個爸爸

你講得好啱, 對人, 最緊要夠真

小晃, 從我一入宿起,

你已經袋緊錢入我袋

好慚愧每次見到你都係你努力咁幫我解決問題

真係好慚愧,

你要走了, 下年得番我自己一個,

點算好?

無論點, 都祝你地同我識既所有畢業生有好前途,

前程錦繡

尋日係UC photoday,

真係 勁 勁 勁 開心!!!

雖然之前嗰晚無得訓,之後又要執野執到死,

但係當見到大家都被噴濕晒, 所有人都盡慶而歸,

真係咩都gur晒!!

好鍾意恒生, 呢度係最好既宿舍

恒生最強!!